• header3.jpg

Өвлийн хүйтний улиралд Олон улс, Улсын болон орон нутгийн чанартай Авто зам, даваагаар зорчин явж буй тээврийн хэрэгсэл эзэмшигч бүр өөрсдийн хариуцсан бүрэн авто техникийг холбогдох хангалттай шатах тослох материалууд, жолоочийн хувийн болон хамт яваа зорчигчдын ая тухтай зорчих нөхцлийг бүрэн хангаж, дулаан хувцас, хуурай хүнс хэрэгсэл зэрэг бусад бэлтгэлийг базааж, замын хөдөлгөөнд анхаарал болгоомжтой, соёлтой оролцохыг уриалж байна!

Шинэ мэдээ

ШИЛЭН ДАНС

2017 оны 47 шуурхай ажлын хэсгийн байршил, Замын бэлэн байдлын мэдээлэл

Авто замын бэлэн байдлын мэдээ

Улсын чанартай авто зам, замын байгууламжийн бэлэн байдлын 2016 оны 11 дүгээр сарын 21-ний өглөөний мэдээг ЭНД ДАРЖ  татаж авна уу

 

2017 оны 2-р сарын цаг агаарын урьдчилсан мэдээ

Цаг агаарын мэдээ

Баруун зүгийн нутаг. Энэ сарын агаарын  температурын дундаж нь Увс, Завхан, Баянхонгорын хойд хэсгээр 23-28 градус, бусад нутгаар 15-20 градус хүйтэн буюу Баян-Өлгийн ихэнх нутаг, Ховдын хойд, Увсын өмнөд, Завханы баруун өмнөд, Говь-Алтайн баруун хойд хэсгээр уур амьсгалын дунджаас 0.5-1.0 градусаар дулаан, бусад нутгаар дунджийн орчим байх төлөвтэй.

Энэ сард орох хур тунадас нь Ховдын нутаг, Увсын өмнөд, Завханы баруун өмнөд, Говь-Алтайн баруун хэсгээр уур амьсгалын дунджийн орчим, бусад нутгаар дунджаас ахиу орох төлөвтэй.

Нэгдүгээр арав хоногийн дунд үеэр нутгийн хойд хэсгээр бага зэргийн цас орно. Хоёрдугаар арав хоногийн эхэн болон сүүлчээр ихэнх нутгаар, гуравдугаар арав хоногийн дунд үе болон сүүлчээр зарим газраар цас орно. Салхи нэгдүгээр арав хоногийн сүүлч, хоёрдугаар арав хоногийн эхэн ба сүүлчээр нутгийн өмнөд хагаст 16-18м/с, гуравдугаар арав хоногийн сүүлчээр Алтайн уулархаг нутгаар түр зуур 20-24 м/с хүрч цасан болон шороон шуурга шуурах төлөвтэй.

Төвийн нутаг. Энэ сарын агаарын температурын дундаж нь Дархадын хотгороор 23-28 градус, бусад нутгаар 15-20 градус хүйтэн буюу Булганы зүүн хойд, Төв аймгийн хойд хэсэг, Сэлэнгийн нутгаар уур амьсгалын дунджаас 0.5 градусаар хүйтэн, бусад нутгаар дунджийн орчим байна.

Энэ сард орох хур тунадас нь Хөвсгөлийн өмнөд, Архангайн баруун, Булганы баруун хойд хэсгээр уур амьсгалын дунджаас ахиу, Сэлэнгийн зүүн, Төв аймгийн зүүн хойд хэсгээр уур амьсгалын дунджаас багавтар, бусад нутгаар дунджийн орчим орох төлөвтэй.

Нэгдүгээр арав хоногийн эхээр нутгийн хойд хэсгээр, нэгдүгээр арав хоногийн сүүлчээр ихэнх нутгаар, хоёрдугаар арав хоногийн эхэн болон дунд үе, гуравдугаар арав хоногийн дунд үе болон эцсээр зарим газраар цас орох төлөвтэй.

Салхи нэгдүгээр арав хоногийн сүүлч, хоёрдугаар арав хоногийн дунд үеэр нутгийн өмнөд хэсгээр 12-14 м/с, гуравдугаар арав хоногийн дунд үе болон сүүлчээр зарим газраар түр зуур 16-18 м/с хүртэл ширүүсч цасан болон шороон шуурга шуурах төлөвтэй.

Зүүн зүгийн нутаг. Энэ сарын агаарын дундаж температур Хэнтийн хойд, Дорнодын зүүн хэсгээр 20-25 градус, бусад нутгаар 15-20 градус хүйтэн буюу Хэнтийн өмнөд, Сүхбаатарын баруун хэсгээр уур амьсгалын дунджийн орчим, бусад нутгаар дунджаас 0.5-1.0 градусаар хүйтэн байх төлөвтэй.

Энэ сард орох хур тунадасны хэмжээ нь Хэнтий, Дорнодын хойд хэсгээр уур амьсгалын дунджаас багавтар, Сүхбаатарын зүүн өмнөд, Дорнодын өмнөд хэсгээр уур амьсгалын дунджаас ахиу, бусад нутгаар  дунджийн орчим орох төлөвтэй.

Нэгдүгээр арав хоногийн эхээр нутгийн баруун хэсгээр, нэгдүгээр арав хоногийн сүүлч, хоёрдугаар арав хоногийн дунд үе, гуравдугаар арав хоногийн дунд үе ба сүүлчээр нутгийн зарим газраар цас орох төлөвтэй.

Салхи нэгдүгээр арав хоногийн сүүлч, хоёр ба гуравдугаар арав хоногийн дунд үеэр зарим газраар 12-14 м/с, гуравдугаар арав хоногийн сүүлчээр түр зуур 16-18 м/с хүрч цасан болон шороон шуурга шуурах төлөвтэй.

Говийн нутаг. Энэ сарын агаарын дундаж температур нь Дундговийн зүүн хойд хэсэг, Дорноговийн хойд хэсгээр 15-20 градус, бусад нутгаар 8-13 градус хүйтэн буюу Өмнөговь, Дорноговийн өмнөд хэсгээр уур амьсгалын дунджаас 0.5-1.0 градусаар дулаан, бусад нутгаар дунджийн орчим байна.  

Энэ сард орох хур тунадасны хэмжээ нь Өмнөговийн баруун хэсгээр уур амьсгалын дунджаас ахиу, Өмнөговийн зүүн, Дорноговийн өмнөд хэсгээр уур амьсгалын дунджаас бага, бусад нутгаар дунджийн орчим орох төлөвтэй.

Нэг ба гуравдугаар арав хоногийн сүүлчээр зарим газраар, хоёрдугаар арав хоногийн эхэн ба дунд үеэр нутгийн хойд хэсгээр цас орох төлөвтэй. 

Салхи нэгдүгээр арав хоногийн дунд үе болон сүүлчээр зарим газраар 12-14м/с, хоёрдугаар арав хоногийн эхэн ба дунд үе, гуравдугаар арав хоногийн дунд үе болон сүүлчээр зарим газраар 16-18 м/с, Арц Богдын өвөр хоолойгоор түр зуур 20-24 м/с хүртэл ширүүсч шороон шуурга шуурах төлөвтэй.

 

Эрх зүйн акт

 

МОНГОЛ УЛСЫН ЗАСГИЙН ГАЗРЫН ТОГТООЛ

2015 оны 2 дугаар сарын 9-ний өдөр

 

Улаанбаатар хот

 

Дугаар 55

 

ТӨСВИЙН БАЙГУУЛЛАГУУДАД ХИЙХ  БҮТЭЦ, ЗОХИОН БАЙГУУЛАЛТЫН ЗАРИМ АРГА ХЭМЖЭЭНИЙ ТУХАЙ

Төсвийн тухай хуулийн 10.1.10, Төрийн болон орон нутгийн өмчийн тухай хуулийн 9 дүгээр зүйлийн 5 дахь хэсэг, 22 дугаар зүйлийг тус тус үндэслэн Улсын Их Хурлын 2014 оны 70 дугаар тогтоолыг хэрэгжүүлэх зорилгоор Монгол Улсын Засгийн газраас ТОГТООХ нь:

1. Төсвийн зарим байгууллагыг дор дурдсаны дагуу өөрчлөн зохион байгуулсугай:

3.Дараах байгууллагуудыг аж ахуйн тооцоотой төрийн өмчит үйлдвэрийн газар болгон өөрчлөн зохион байгуулсугай:

1.

Зам, тээврийн сайдын эрхлэх асуудлын хүрээний “Авто замын хяналт, эрдэм шинжилгээ, судалгааны төв” улсын төсөвт үйлдвэрийн газрыг “Зам, тээврийн хөгжлийн төв” аж ахуйн тооцоотой төрийн өмчит үйлдвэрийн газар;

2

 

 

13. Энэ тогтоол гарсантай холбогдуулан “Хөдөлмөрийн төв бирж байгуулах тухай” Засгийн газрын 2007 оны 8 дугаар сарын 8-ны өдрийн 194 дүгээр тогтоол, “Хөрөнгө гаргах тухай” Засгийн газрын 2010 оны 1 дүгээр сарын 13-ны өдрийн      9 дүгээр тогтоол, “Зохион байгуулалт, орон тооны хязгаар батлах тухай” Засгийн газрын 2012 оны 9 дүгээр сарын 22-ны өдрийн 48 дугаар тогтоол, “Сангийн дүрэм, орон тооны хязгаар батлах тухай” Засгийн газрын 2013 оны 12 дугаар сарын 7-ны өдрийн 402 дугаар тогтоол, “Олон улсын шинжээчдийн урьдчилсан зөвлөмжийн дагуу авах зарим арга хэмжээний тухай” Засгийн газрын 2008 оны 3 дугаар сарын 19-ний өдрийн 98 дугаар тогтоол, “Эрүүл мэндийг дэмжих сангийн дүрэм, сангийн зөвлөлийн бүрэлдэхүүн, зөвлөлийн ажиллах журам батлах тухай” Засгийн газрын 2007 оны 4 дүгээр сарын 4-ний өдрийн 92 дугаар тогтоол, “Тогтоолын хавсралтад нэмэлт, өөрчлөлт оруулах тухай” Засгийн газрын 2012 оны 11 дүгээр сарын 10-ны өдрийн 123 дугаар тогтоол, “Улсын төсөвт үйлдвэрийн газар байгуулах тухай” Засгийн газрын 2012 оны 9 дүгээр сарын 29-ний өдрийн 67 дугаар тогтоол, “Төрийн өмчит үйлдвэрийн газрыг өөрчлөн зохион байгуулах тухай” Засгийн газрын 2013 оны 6 дугаар сарын 8-ны өдрийн 208 дугаар тогтоол, “Улсын төсөвт үйлдвэрийн газар байгуулах тухай” Засгийн газрын 2011 оны 10 дугаар сарын 19-ний өдрийн  298 дугаар тогтоол, “Улсын төсөвт үйлдвэрийн газар байгуулах, зарим байгууллагын бүтцийг өөрчлөх тухай” Засгийн газрын 2012 оны 9 дүгээр сарын 15-ны өдрийн 35 дугаар тогтоол, “Ажлын албадын орон тооны хязгаарыг батлах тухай” Засгийн газрын 2012 оны 12 дугаар сарын 15-ны өдрийн 168 дугаар тогтоолыг тус тус хүчингүй болсонд тооцсугай.

 

Монгол Улсын Ерөнхий сайд                                                   Ч.САЙХАНБИЛЭГ

 

Сангийн сайд                                                                             Ж.ЭРДЭНЭБАТ

Дэлгэрэнгүй...


ИННОВАЦИЙН ТУХАЙ

МОНГОЛ УЛСЫН ХУУЛЬ

1998 оны 1 дүгээр сарын 2-ны өдөр Улаанбаатар хот

АВТО ЗАМЫН ТУХАЙ ХУУЛЬ НЭГДҮГЭЭР БҮЛЭГ

Нийтлэг үндэслэл

1 дүгээр зүйл. Авто замын тухай хуулийн зорилт

1.1. Энэ хуулийн зорилт нь авто зам, замын байгууламжийг барих, засварлах, арчлах, хамгаалах, ашиглах, санхүүжүүлэх, хянах болон төр, зам ашиглагч байгууллага, иргэний хооронд энэ талаар үүсэх харилцааг зохицуулахад оршино.

2 дугаар зүйл. Авто замын тухай хууль тогтоомж

2.1. Авто замын тухай хууль тогтоомж нь Үндсэн хууль, энэ хууль, тэдгээртэй нийцүүлэн гаргасан хууль тогтоомжийн бусад актаас бүрдэнэ.

2.2. Монгол Улсын олон улсын гэрээнд энэ хуульд зааснаас өөрөөр заасан бол олон улсын гэрээний заалтыг дагаж мөрдөнө.

Дэлгэрэнгүй...

МОНГОЛ УЛСЫН ЗАСГИЙН ГАЗРЫН ТОГТООЛ

2016 оны 2 дугаар сарын 15-ны өдөр                                                                                                                                                         Улаанбаатар хот

 

Дугаар 103

 

ЖУРАМ БАТЛАХ, ТӨЛБӨРИЙН ХЭМЖЭЭ ТОГТООХ ТУХАЙ

 

Авто замын тухай хуулийн 21.1-д заасныг үндэслэн Монгол Улсын Засгийн газраас ТОГТООХ нь:

 

        1. “Олон улсын болон улсын чанартай авто зам, замын байгууламжаар зорчиж байгаа тээврийн хэрэгслээс төлбөр авах журам”-ыг 1 дүгээр хавсралт ёсоор баталж, “Олон улсын болон улсын чанартай зам, замын байгууламжаар зорчиж байгаа тээврийн хэрэгслээс авах төлбөрийн хэмжээ”-г 2 дугаар хавсралт ёсоор тогтоосугай. 2. Энэ тогтоол гарсантай холбогдуулан дараах арга хэмжээг авч хэрэгжүүлэхийг Зам, тээврийн сайд М.Зоригтод даалгасугай:

 

        2.1. олон улсын болон улсын чанартай зам, замын байгууламжаар зорчиж байгаа тээврийн хэрэгслээс төлбөр авах цэгийн байршлыг тогтоож, Монгол Улсын авто замын сүлжээний зурагт тэмдэглэж нийтэд мэдээлэх арга хэмжээ авах;

 

        2.2. шинээр барих авто замын техник, эдийн засгийн үндэслэл, зураг төслийг тээврийн хэрэгслээс төлбөр авах цэгийн барилга, байгууламжийн зураг төсөл болон уг цэгийг барьж байгуулахад шаардагдах тоног төхөөрөмжийн судалгаа, тооцооны хамт боловсруулж байх талаар холбогдох дүрэм, журамд нэмэлт, өөрчлөлт оруулж мөрдүүлэх;

 

        3. Олон улсын болон улсын чанартай зам, замын байгууламжаар зорчиж байгаа тээврийн хэрэгслээс төлбөр авах үйл ажиллагаа, авто зам ашиглалтын болон замын хөдөлгөөний аюулгүй байдалд тавих хяналтыг шаардлагатай цэгүүдэд цогц байдлаар хэрэгжүүлэх арга хэмжээ авахыг Хууль зүйн сайд Д.Дорлигжав, Зам, тээврийн сайд М.Зоригт нарт болон Мэргэжлийн хяналтын ерөнхий газар (Ц.Шаравдорж)-т тус тус үүрэг болгосугай.

 

       4. Олон улсын болон улсын чанартай зам, замын байгууламжаар зорчиж байгаа тээврийн хэрэгслээс төлбөр авах цэг байгуулах зардлыг улсын авто замын сан болон гадаадын зээл, тусламжийн хөрөнгө, төр, хувийн хэвшлийн түншлэлийн хүрээнд санхүүжүүлэх арга хэмжээ авч ажиллахыг Зам, тээврийн сайд М.Зоригт, Сангийн сайд Б.Болор нарт даалгасугай.

 

       5. Орон нутгийн чанартай болон аж ахуйн нэгж, байгууллагын дотоодын зам, замын байгууламжаар зорчиж байгаа тээврийн хэрэгслээс төлбөр авах цэгийн байршил, төлбөрийн хэмжээг авто замын асуудал эрхэлсэн төрийн захиргааны төв байгууллагатай зөвшилцөн тогтоож, хэрэгжилтэд нь хяналт тавьж ажиллахыг аймаг, нийслэлийн Засаг дарга нарт үүрэг болгосугай.

 

       6. Энэ тогтоол гарсантай холбогдуулан "Журам батлах, төлбөрийн хэмжээ тогтоох тухай" Засгийн газрын 2011 оны 4 дүгээр сарын 6-ны өдрийн 106 дугаар тогтоолыг хүчингүй болсонд тооцсугай.

  

                                             Монгол Улсын Ерөнхий сайд                       Ч.САЙХАНБИЛЭГ

                                             Зам, тээврийн сайд                                    М.ЗОРИГТ

Дэлгэрэнгүй...

Эрхэм зорилго

Зам, тээврийн салбарт эрдэм шинжилгээ, судалгаа, инновацийн үйл ажиллагааг шинжлэх ухааны үндэслэлтэй хөгжүүлж, судалгаа хөгжүүлэлтийн үр дүнг эцсийн бүтээгдэхүүн болгон үйлдвэрлэлд нэвтрүүлэх, салбарын хөрөнгө оруулалтын үр өгөөжийг нэмэгдүүлэхэд тус Төвийн эрхэм зорилго оршино.

Зочин

445756
Өнөөдөр
Өчигдөр
Энэ долоо хоногт
Энэ сард
Өнгөрсөн сард
Бүгд
395
306
395
9899
8458
445756

Таны IP: 54.166.61.50
Now is: 2017-02-26 22:48:54

Цаг агаар

SP_WEATHER_

°C

Ulaanbaatar

SP_WEATHER_
Чийгшил: %
Салхины хурд: N

Холбоо барих

Монгол Улс, Улаанбаатар хот,

Баянгол дүүрэг, 20-р хороо,

ЗТХТ-ийн байр

976-70002413
976-70002413
This email address is being protected from spambots. You need JavaScript enabled to view it.

Шуудангийн хаяг: СХД, Монгол шуудан 21-р салбар ЗТХТөв

Видео

Фото